الشات وماادراك ماالشات

موضوع: الشات وماادراك ماالشات 21/3/2008, 8:11 pm

بسم الله الرحمان الرحيم

حبيت اكتب هالقصة للاستفادة والعبرة لاني اشوف انها تستاهل تنذكر لتوعيه 00
بدت القصة بشعبان 1428ه كانت اول مرة اتعرف جد على الشات كنت اسمع به بس ولامرة تجرأت ادخل بس كنا بالدمام مجتمعين انا وبنات خالتي وزوجة خالي وكنا ندخل نضحك على الاغبياء الي بالشات والي يسون نفسهم حبيبه بعد كلمتين ثلاث سالفة الشات كانت جد للضحك وبس رجعنا بعدها بيتنا انا واختي كنت طفشانه وماله ايش اسوي قمت دخلت شوي الشات وكان ابد مو ممتع لان حلاته وحنا مجتمعين قفلته بعدها ركنا DSL وصرت اجلس كثير عليه موكثير كثير بس كثير بالنسبة لقبل المهم القصتين الي صاروا لي والين الحين بس اتذكرهم اضحك بجنون الاولى مع شخص من الدمام قالي اسمه حامد وهو ساكن بحي المريكبات ويشتغل بالمستشفى الضحك قالي يشتغل بالخطوط الحمراء انا اول مرة اسمع بها وشي هالوظيفه ماادري وماسالته المهم صرنا نلتقي من الساعة 12 بالليل الين يأذن الفجر يقوم عشان يصلي وينام لانه يداوم الساعه 8 عد مااضفته اول شي لفت نظري انه بالمسن نكه كان anwar عديتها بمزاجي ضليت اسولف معه وبيوم طلب يسمع صوتي هنا وقفته مو انا سولفنا ومزحنا وتعرفنا على بعض يعني انك تتجرأ وتطلب هالشي اعتذر طلبت منه لا يفكر انه يطلب هالشي مرة ثانيه قالي اوكي السالفه الي صارت وعشانها عطيته ديليت قالي انا بنزل عندكم وابقى اطلب منك طلب نلتقي بالمجمع هنا شياطين الدنيا تنطنط بوجهي وقلت بكل برود لا مستحيل في بالي كلمة وكأني مااشوف مسلسلات كويتيه ومااقراء عن الذئاب البشريه قال لي ليه حنا نحب بعض ونثق بعض ليه لا والله ماراح اكلمك من بعيد لبعيد نفس الكلمه تتردد في بالي وكأني مااشوف مسلسلات كويتيه نشوف بعض وقفته مصدومه من متى وحنا نحب ونثق تحسسني بكلامك كانك تقول السلام وكان الحب والثقه سهله لدرجة انها تنولد بينا بعد اسبوع من المعرفه ظن ترددي لعيب فيني قالي انا مايهمني الشكل الخارجي بس انا ابقاك تشوفيني قلت له خلاص ارسلي صورتك قالي طيب وش يدريك يمكن احط لك صورة مو لي قلت له وش يدريني انك نفس الشخص الي بقابله قالي انت ماتثقين فيني قلت له الصراحه لا انا مااعرفك غيرت الموضوع وسالته عن anwar قالي ان اسمه الحقيقي انور بس الكل ينادوني حامد قلت له اها قالي انت وش تحبين قلت الصراحه انور احلا من حامد وراح اناديك انور خلصنا هنا وكنت كل ليله بعد مااخلص منه اكلم بنت خالتي وقولها عن تفاهته وكلامه ويصير هو مضحكتنا ((اعتذر منه لانها غيبه بس مو بيدي ))الي صار رجع كرر نفس الطلب قراري له قلت له اني بعطيه ديليت نهائي وبدون أي تراجع حذفته بدون أي اسف اذا على السوالف بداله الف تعرفت علية بشات الرومانسيه وهو الي دايم ادخله غيرت ودخلت شات الشله تعرفت على شاب وبسرعه طلعت من هالشات بعد مااضفته لان بصراحه انا مادخلت اقذر من هالشات المهم تعرفت على هالشاب واسمه ياسر يدرس بااخر سنه بالجامعه رياضيات بعد صلاة الفجر سولفنا لحد الساعه عشر الصباح سوالف وشي مااذكر بس كنا نسولف قفلنا ومن ثاني يوم رجعنا نسولف هو يحب الكورة كثير ودايم يروح يلعب رسمي كل يوم قالي انا روح اليوم وبلعب واذا فزت بكتب اسمك بالهواءوراح تحسين فيه انا قايله له اسمي ندى قالي بقولك سر عشان اني بجد حبيتك انا اسمي مو ياسر اسمي ثامر وهو سبيعي هنا ضحكة ثاني مرة اسمين لشخص وعصبت لاني فكرت كيف اكلم واحد اسمه ثامر }وقفه بتكلم فيها عن نفسي اول شي انا ربيت بداية حياتي بين اربع شباب عن نفسي وانا صغيرة اعتبر اني خامس شاب لامي وابوي كنت بوي لا ويعتمد علي كنت اجلس مع اصدقاء اخواني كثير مااجلس مع بنات الجيران او بنات خالتي لانهم ساكنين جنب بيتنا قبل احب جلست الشباب اكثر والى اليوم احب جلسات عمامي ودايم اجلس معهم وانا قريبه لابي وهو مثلي بالحياة واشوفه شخص حكيم متواضع علمني كيف اخاف على نفسي جلستي مع الرجاجيل علمتني كيف الرجل يشوف المرأة وعلى اساسها عرفت الرجال وطبيعتهم وعن نفسي اقول انا العصر الي فيه يغري الشاب البنت بكلمه ولى وانتهى والحين عصرنا وبس لاني أنثى والحياة مونثة انا اعشق الوسامه بالرجل كثير وهذا معرف عني من وانا صغيرة اقدر الوسامه ومااجامل بالجمال ابد والاسم الحلو يزيده حلا وانا احب اسم يوسف كثير واتمنى اشوف بالاخرة يوسف عليه السلام وانا اعشق خالد بن الوليد كثير واحبه رضي الله عنه المهم انا اكتب قصص يعني هالاشياء مارا علي بكتاباتي ولاني مؤمنه انا الحب يجي بعد الزواج ماكنت افكر احب والشات كانت تسليه والحب فيه كذب انا احب شخصيتي ومعجبه بنفسي كثير دلع مو غرور والكل من حولي يحب شخصيتي بس بكتاباتي مغرور حدي تقريباً هاذي انا {نرجع لثامر هههههههه او ياسر هنا ابتدت القصه قلت له بعد عصبيه خلاص عادي حتى انا مو اسمي ندى بس بالنسبه لك ندى قالي ليه قولي وش اسمك رفضت بعدها قفلنا غاب يومين بعد مارجع قال انه بالمستشفى وكان يهذي باسمي وانا اخوه سمعه وسأله من ندى وانا اضحك ( هالحركه قديمه باختصار اكل الدهر عليه وشرب )بالنسبه لي مااعتقد انه صادق رجع سالني عن اسمي قلت له لا مو لازم تعرف ظل يلح سويت له بالبطاقه بالفوتو كتبت عليه اسم ام جيرانا قديم ومو شي قالي بالعكس وقام يدلعني ويكتب لي شعر (المشكله شعر ملطوش<مسروق > من الغباء انك تستغبي الي مقابلك ) عديتها بمزاجي وكله كوم وهو يتكلم عن غيرته علي كوم ثاني حسسني انا نحب بعض وباقي على زواجنا اسبوعين طلب الطلب الي يزعجني يبقى يسمع صوتي هنا تمشكلت معه وحكى لي عن الثقه هنا حسسني انا دارسينا الروضة سوى رفضت ومارجع حكى فيه طلبت منه يكلمني عن مراهقته حكى لي وبكل وقاحه انه كان يحب بنت وكان يخاطر ويروح الجامعه ياخذها من هناك مجرد حكى بالغلط كان عندي له واحد من الف احترام راح حتى لو كانت كذبه المهم حاول بكل مرة انه يقنعني اكلمه ولما استمريت ارفض قالي خلاص انا افضل نكون اخوان لان الحب ماينفع بدون مانكلم بعض الاكيد والي انا عارفته انه ماحبني زي مايقول أي حب يروح قلت له اوكي وانتهينا الي ابقى اقوله انا غبي من استغبى بنت لاني وبكل فخر اقول احنا الي نتصرنا على الشيطان بالكيد كذبت عشان اتسلى مع انه مو طبعي بس والله اني اتسلى وانا اشوف حياتي بيرفكت مو ناقصني شي وحتى لو ناقصني مستحيل اقدر اخون ثقت الي حولي حتى لو 59ثانيه مااقدر انا من صغري متعودة احكي لابوي كل شي ومااعرف اخبي عليه هو بالذات فامستحيل بهالشي اغلط بغيرة ممكن انا انسان بس بهالشي لا محسوم الامر 000
بالاخير اقول لكل بنت انتبهي واقري القصص راح تشوفني انا الشباب يتبعون نفس الاسلوب فاأحذري 000وابقى اقول لأي شاب يعد للعشرة قبل مايفكر يسيء لعرض أي حد حتى لو البنت باعت نفسه بس للعشرة وابدا احفظ ابيات الشافعي بعد ماتحط الله ببالك اول شي 000
عفوا تعف نساؤكم في المحرم ** و تجنبوا ما لايليق بمسلم
إن الزنا دين فإن أقرضته ** كان الوفا من أهل بيتك فاعلم
يا هاتكا حرم الرجال و قاطعا ** سبل المودة عشت غير مكرم
لو كنت حرا من سلالة ماجد ** ماكنت هتاكا لحرمة مسلم
من يزن يزن به و لو بجداره ** ان كنت يا هذا لبيبا فافهم 000
انا متاكدة انك اذا عاقل وماكنت ماكل قد من لحم خنزير وتخف على محارمك وماتبي ينقال عنك انك 000تعرف وش ينقال على الي يدلل على هله صح ! اكيد ماتحتاج تعد للعشرة ان شاء الله مااكون ثقلت عليكم 00
_________________

موضوع: رد: الشات وماادراك ماالشات 26/3/2008, 1:49 am

مشكووووووور تحياتي
الك والي الامام
ننتظر جديدك
جنرال..................

موضوع: رد: الشات وماادراك ماالشات 27/3/2008, 5:24 pm

يسلمو اخي جنرال على مرورك الجميل نورت الصفحة

موضوع: رد: الشات وماادراك ماالشات 22/4/2008, 5:26 pm

مشكور كتيييييييييييييير
على الموضوع الجميل كتير[b][i] I love you